SINBA: Miembronan ningun momento lo pone e siguridad di nos pueblo na peliger

Pa medio di e comunicado aki nos kier aclarea lo sigiente.
Despues di nos rueda di prensa nos por a ripara cu algun medianan di comunicacion – probablemente pa motibo politico – troce e informacion cu nos a trece dilanti y purba di manipula pueblo pa desvia na e situacion actual di nos cuerpo. Laga nos ta bon cla cu na ningun momento nos miembronan lo pone e siguridad di nos pueblo na peliger. Den e rueda di prensa nos a laga sa bon cla cu den caso di calamidad y emergencia semper nos lo actua y cumpli debidamente cu nos deber. Aparentamente e berdad a haci algun hende hopi dolor y awor ta purba pone sindicato y nan miembronan den un luz negativo pa asina sigi sconde e berdad. Un berdad borgonsoso na unda hustamente dor di situacion cu Brandweer di Aruba actualmente ta aden ta e causa cu nos pueblo ta coriendo peliger y ora un calamidad ta presenta nos no lo por actua manera nos kier y manera mester ta.

Un biaha mas e unico obhetivo di SINBA y su miembronan ta un cuerpo di bombero cu tin e matrial y equiponan pa por combati cualkier camalidad y husto na e momentonan, aki dor di neglisha e cuerpo e ultimo añanan y un leiding cu ta parce cu tampoco no tin esaki como prioridad, esey no ta e caso.

Directiva di SINBA

 

Comments

comments