E ley di saco di plastic tabata un di e prome ley cu ta trata un problema di medio ambiente na Aruba. E preparacion a tuma su tempo, ya cu mester a sinta cu diferente stakeholders y discuti si pais Aruba ta cla pa e cambio aki, segun Sr. Donny Rasmijn.
Despues di 2 aña discutiendo y trahando ariba e ley, a sinti cu e ley aki lo pasa y asina a fulmina dia 28 di Juni 2016, caminda cu parlamento completo a sostene e ley aki pa asina e wordo implementa per 1 Januari 2017. S. Rasmijn ta bisa cu e ley a bay hopi bon y danki na e supermercadonan cu a reacciona mesora, ya cu pa 1 di Januari, cu eigenlijk ta un fecha cu desde cu e ley a wordo aproba, tabata tin un periodo di gracia di 6 luna, cu varios biaha a bisa cu e ley ta bin na vigor. El a sali den e Afkondigingsblad y pa 1 di Januari por a wak luganan cu tabata habri, hendenan tabata sali afo rabia, cu productonan na man. Pero di otro banda, por a bisa cu e hendenan a adapta mesora y tambe tabata tin un discusion tocante e periodo di gracia, si lo bin un otro mas di seis luna, cual no tabata e caso.
E supermercadonan a bay hopi bon cun’e. E restaurantnan a tarda un poco, pero nan tambe ta cumpliendo awo. Pero luganan cu ta bende otro articulonan, pero vooral esunnnan cu tin marca, bo ta waknan aki aya cun’e. Esey ta esunnan cu mester traha ariba nan. Un otro parti ta cu e ley ta bisa cu bo no mag di duna hende un saco di plastic. Keto bay tin diferent supermercado cu ta bende e saconan di plastic ariba reki. E implementacion a bay bon, sin cu tabata tin mester di ehecuccion. Pueblo a reacciona hopi bon.
Ainda toch, cierto hotelnan e saconan di plastic ta circulando y a manda un lista pa polis caba pa controla e luganan cu gobierno ta na altura cu ta haciendo e ainda. Den e temporada aki, tin vakantie. Y ta un temporada di campaña y polis tin su prioridad. Ta un tempo dificil pa follow up ariba esakinan. Ta cay poco dificil. Despues di campaña lo sigui mas duro ariba esaki. Pero en general a wordo implementa hopi bon.
Un area cu tabata hopi bisto tabata e area turistico caminda cu semper tabata yena cu saconan di plastic tira ariba caminda. Tabata tin hende cu tabata haci limpi pero pa su mañan ya caba e luga tabata tur sushi. Y awo por ripara con limpi Aruba ta aworaki.
Pa locual ta saconan di plastic, esey ta un empaque, cual ta poni den ley. Pa locual ta empake e ta naturalmente conviniente y e lo mas importante ta pa rasonnan di sanidad, mester empaketa esaki cu saconan di plastic. Awo lo bay haci un estudio pa wak con por cambia e plastic actual pa uno bio- degradablel. Pero e ta un tiki mas caro. Hopi caminda e tasnan di plastic ta wordo aboli y e bio degradable mester ta bon certifica. No por bende un papel cu supuestamente bio degradable pero ta mesun tipo cu saco di plastic, segun Sr. Donny Rasmijn, parlamentario di AVP.