Diadomingo prome cu 1’or di marduga riba Caya Betico Croes patruya ta topa cu un kia sprotage preto A-69453 coriendo basta duro mes den un forma iresponsabel, no a keda nada otro cu a bay tras di e chauffeur y dune un señal pa para.
E chauffeur a nenga di para pa patruya aki a sigui su tras y pidiendo mas patruya. Den e forma con e auto aki tabata core tabata dificil polisnan lage bay pa e bay causa desgracia na inocente riba caya, a sigui su tras y durante intento pa para e auto polisnan a kibra tire di auto pa para e chauffeur iresponsabel tras di stuur. Riba La Sallestraat net dilanti di imelda kleuterschool a changa e auto aki. A baha e chauffeur di biaha tras di stuur y a constata cu ta un chauffeur cu simannan atras a kita su rijbewijs for di dje pa a keda deteni na Weststraat pa burachi a destrui propiedad di un hotel. Mientras cu ainda e rijbewijes ta den beslag pa fiscal e chauffeur a dicidi di asina mes subi caya y a keda gara atrobe burachi. E kia sprotage a keda cu dos tire gekap debi na su intento di core pa Polis a core iresponsabel. E auto a keda tuma den beslag y e chauffeur transporta pa warda di Polis.