Diaranzon 28 di Maart, Sin Fronteras Toastmasters Club a tene un reunion exitoso na Oficina di Brandweer Tanki Flip. Durante e reunion educacional di Sin Fronteras Toastmasters Club, nos a yama bonbini na bishitantenan cu a asisti na nos reunion pa mira kico Toastmasters International por nifica den nan bida personal y profesional.
Nos por a disfruta di 2 presentacion y un “teach in” caminda cu Toastmasters Giandra a pone enfasis ariba e importancia di e promesa di Toastmasters y pakico un promesa na cualkier club of organisacion ta importante. Aki Toastmaster Giandra a basa su mes ariba e disciplinanan mas importante cu cada Toastamasters mes mester tin pa funciona efectivamente den su club
Sin Fronteras Toastmaster Club ta e unico Club na Aruba y entre e islanan ABC cu ta duna bo e oportunidad pa desaroya bo habilidadnan di liderazgo y di comunicacion tanto den e idioma Ingles pero tambe e idioma Spaño. Ta hopi importante pa semper ta prepara na cualkier momento pa duna informacion , un presentacion of dirigi un conferencia. Tur esaki ta loke Toastmasters International ta ofrece pa medio di su programanan educativo cu ta basa ariba manualnan di comunicacion y di liderazgo caminda tur miembro di Toastmasters International na nivel mundial ta ariba e mes un liña educativo.
Miembronan di Sin Fronteras Toastmasters Club ta invita bo forma parti di nos reunionnan educativo gratuitamente diaranson anochi 11 di april 2018 na Oficina di Brandweer Tanki Flip for di 7:30 te cu 9:30.
Pa mas informacion semper por tuma contacto cu Representantenan di Sin Fronteras Toastmasters Club kendenan ta Toastmasters Charlene Marchena na 5932051 y Toastmaster Yhovanna Quintero 5924152.
Ariba combinacion di potret por mira mas di e anochi educativo .