Na September 2017 Toastmasters, Giovanni Lew Yen Tai, Esther Farro, Stephanie Croes y Charlène Marchena a cuminsa reuni cu e meta pa recluta personanan interesa pa drenta e mundo di Toastmasters International cu e meta pa habri e di 6 club na Aruba. Sin Fronteras Toastmasters Club a bira un club oficial ora cu 9 di mei 2018 a logra yega na su 20 miembronan co-fundador .
Ariba 31 di mei Sin Fronteras Toastmasters Club a ricibi notificacion cu tur cos ta cla pa wordo reconoci como un club oficial caminda nan a elegi nan directiva kendenan ta bay dirigi e club aki durante e periodo di juli 2018 pa juni 2019. Miembronan di directiva ta Yhovanna Quintero como Presidente, Esther Farro Vice-presidente di educacion, Oscar Ruiz Quintero Vice-presidente de miembrecia, Charlene Marchena, Vice-presidente di Relacion Publico, Sergio Silberie como Secretario y Luis Castillo como Sargento di arma.
Pa e celebra e logro y e soño di tin un Toastmasters Club cu ta pone enfasis ariba e idiomanan Spaño y Ingles na Aruba, despues e reunion di 27 di Juni 2018 a continua den Glenn’s Place cu e celebracion caminda cu e ambiente tabata ameno pa un y tur.
Pa tur personanan cu ta interesa pa participa como huesped of bira miembro di Sin Fronteras Toastmasters Club semper por tuma contacto cu Vice-presidente di Miembrecia Oscar Quintero na 5924027 of por tuma contacto cu cualkier otro miembro di e club. Sin Fronteras Toastmasters Club ta reuni ariba e segundo y tercer diaranson di cada luna for di 7:30 -9:00 di anochi.
Club sponsors di Sin Fronteras Toastmasters Club Stephanie Croes y Charlène Marchena ta yama danki na tur miembro di Toastmasters clubs na Aruba cu a yuda nos pa funda e club aki. Specialmente na Univerity Toastmasters Club y Arikok Toastmasters Club y Toastmaster Emily Thiel (q.e.p.d) pa tur su guia y sosten tanto personal y tambe pa cu meta di mira Sin Fronteras realisa.
Nos ta desea Sin Fronteras Toastmaster Club, su miembronan y e mentornan Toastmasters Xina Tromp Giel y Toastmasater Giandra de Cuba tur clase di exito cu e club nobo caminda cu e desaroyo personal, di comunicacion y liderazgo ta na prome luga.