Genan Peterson, kende debi na su trabou no perhudike a pidi pa tapa su cara den e foto adhunto, tambe a haya su mes den e problema cu Giovanni Helder a haya su mes aden sin cu e kier. E tabata canando pa bay coy su auto y a topa su dos brothernan. E mesun ruta cu nan a pasa, e mester a pasa. Canando bay cas pa coy su auto na cas di su wela, a bin un batimento di boca chikito.
E mes ta traha den cushina y e ta cana cu su tas di cuchiu. Dado momento a bin un conflicto y un cuchiu a sali cay, pasobra e cuchiunan ta skerpi. El a sali cay for di den su tas y un otro persona a cuminsa grita, cu e lo bay hinke of algo asina. E otro dos brothernan cu tabata eynan, a bin para e problema. Eigenlijk no tabata tin un problema, sino un discusion. Un di e personanan tabata burachi. Peterson a splica cu e mes no sa di nada pasobra el a caba di traha.
Peterson a bay sinta den cas di su amigonan y despues di un rato polis a yega para na porta, yama Peterson. El a haci loke polis a bisa. Prome cos cu e polis a haci ta dal’e dos mokete, esaki ta trata di e polis “Aldrick”. Despues ora cu Peterson a lanta bek, e tabata benta abao na boei, cu uniform di trabao bisti. Benta abao, sin tin mester.
Na warda, a wanta Peterson un rato den un hoki. Despues el a papia cu fiscal, splik’e cu el a caba di traha e momento ey. E ora ey e fiscal a bisa cu e por bay. Normalmente ora cu detene un persona, e mester paga un boet, dus e no mester a paga nada. Peterson a pidi pa un documento indicando cu e tabata deteni. Cos no lo keda asina y lo bay bisa di e golpinan cu el a haya di e agente. E fiscal a bis’e cu no ta duna esey. Peterson a perde su set di cuchiu y ningun documento cu e por cana su pasonan legal. Awor aki si e bay na su abogado, e ta pidie un documento cu e tabata deteni pa tal motibo of posesion di arma of cuchiu, cual te awor aki, nunca el a haya.
Esaki a sali den noticia y Peterson a splica su hefe kico a pasa realmente. El a dun’e un chens toch. Awor aki tur cos no ta mesun cos cu prome. Awor aki nan lo wak cu e ta un malandro, caminda cu tabata un problema cu un persona cu a bin di carnaval burachi caba, Peterson a splica.