MEXICO- Faltando algun luna pa nan cera nan di dos etapa di e aventura como duo, e grupo Sin Bandera ta haci un balance di loke e ultimo dos añanan a nifica pa nan y ta balora e posibilidad di “scirbi un buki” tocante nan reunion debi na e exito cu nan a haya den henter e continente.
“Tin un idea di scirbi un buki, cu potret, pa documenta y tambe tin hopi material graba na momento di e creacion di e canticanan aki, e ta impresionante”, e Argentino Noel Schairis di Sin Bandera a declara na EFE.
Den su opinion y di su compañero profesional, e Mexicano Leonel Garcia, e reencuentro musical aki “tin hopi pa mustra” y loke ta keda ainda na momento cu nan caba cu e gira aki, faltando ainda conciertonan pa confirma, tanto na Merca como na America Latina.
Kisas dor di esaki, Schairis ta bisa, cu aunke e final di e “dos añanan” cu nan tabata tin planea, e parti mas “miho” di e etapa aki cu ta cera ta cu Sin Bandera no mester ta exluyente di nan proyectonan personal.
Schajris y García ta considera cu ta “dificil” eligi un solo momento den su gira Latinoamericano, cu ta destaca manera cu hendenan na Caracas a “bula” den su espectaculo, den un situacion cu pa Venezuela tabata “complica”, pero kisas no manera awo.
Argentina, Mexico y Puerto Rico tabata otro momentonan special pa nan hunto cu nan anochi na Festival de Viña del Mar (Chile), caminda cu nan a ricibi Gaviota de Oro pa aclamación popular di e publico presente.
Sin Bandera a acumula un base enorme di siguidonan den e decada di 2000 cu nan baladanan romantico.
Despues di a bolbe bek riba escenario na 2015 y di a lansa su album di regreso na 2016, “Una última vez”, e grupo ta sinti’e conecta tambe cu e movimentonan musical “interesante” di actualidad, cual nan a adapta den nan reencuentro.
Prome cu e di dos final di e grupo, na Februari nan a lansa nan ultimo disco “live”,
“Primera fila acústico. Una última vez (Encore)”, cu nan ta considera e miho manera di cera cu broche di otro y cu cual nan kier a bay bek na e origen di Sin Bandera.
Den futuro, ambos lo sigui cu nan proyectonan musical apart, na mes momento cu nan lo combina esaki cu nan bida personal.
Den caso di Schajris, el a caba di bira tata di un baby mucha homber yama Dylan, cu apenas tin tres luna.
Di su parti, Garcia ta bisa cu, manera cu e gira final di Sin Bandera caba, e lo publica su proximo disco como solista.
Fuente: www.efe.com