Simultaan duna door di Rolin Croes a start e prome torneo pa 2021

Diaranson (9-Juni) a tuma luga e promer actividad di dam den aña 2021. Esaki tawata un simultaan duna door di e campeon di dam di aña pasa Rolin Croes.

Rolin a enfrenta 9 hungado cu a presenta e anochi ey. El a logra gana 4 wega, tabla 2 y perde 3. Un score di  55.6 porciento.

Tawata presente na e prome evenemento di dam pa aña 2021, un representante di Lotto y un representante di ASU.

Otro siman día 16 di Juni, club di dam Arowak ta continua cu su actividadnan cu e prome torneo di aña. Esaki ta e campeonato abierto di Aruba. Tur hungado di dam ta bonbini.

Formato di wega lo ta Round Robin, unda tur hungado lo topa otro un biaha. Duracion lo ta 1 ora pa banda cu un incremento di 30 seconde despues di cada hugada. Ta start pa 7:00pm exacto den e clubhuis na Nieuwstraat 11, Oranjestad. Weganan lo termina rond di 9:00 pa 10:00 di anochi.

Pa mas información, por tuma contacto cu Mario Jansen (cel. 699-8245) of Ricardo Wever (592-6391) of Octavio Croes (594-5590).

Comments

comments