Simposio tocante Postura “ Let’s sit the right way”

0
RBC Juli 2018
Funmiles-2018

Recientemente Fundacion Movecion Ta Bida a organisa un simposio tocante postura. Esaki a tuma luga den Renaissance Convention Center, cual evento a cuminza 8.00 ‘or di mainta y a termina 2.00’or di atardi.

Diferente oradornan a trece den nan charla informacion tocante e tema di Postura y kiko mester hasi pa evita dolor di lomba. Profesor Dr. Erik Peper, conoci di e CAAC 2017 (Congreso di Active Aging) a trece su informacion interesante di su estudio y investigacion cu el a haci na Universidad di San Francisco (USA).

Su estudio tabata basa ariba personan cu pa oranan largo ta sinta y para, y cu tin varios keho y dolor di schouder, nek, lomba y cabez. Pa yuda pa evita esakinan, e la introduci un aparato nobo y unico pa Aruba, ‘Upright Go’, cu lo yuda pa drecha bo postura.
FMTB ta contento cu a haya sosten di AZV, SVB, Visser Trading, CEDE Aruba y Gobierno di Aruba.
Den e maneho cu companianan y organisacionan ta hiba pa combati ausencia pa motibo di e kehonan menciona,tur participante a ricibi informacion valioso con ta trata e salud y bienastar di tur hende y a lo largo lo baha e “ziektemeldingnan” .
Den cuadro pa promove e experticio di e participantenan na e congreso, tabata tin otro oradornan cu a duna informacion interesante y adecuado. Dr. Jaime Falconi, Neurologo, a trese dilanti varios factor cu ta influencia bo dolornan den su charla unda e la compara Mente , Curpa y Postura banda di otro.
Dr. Renato van Putten, Chiropracter, a pone enfasis ariba e weso di lomba y su infuencia ariba bo Postura.
Jerome van der Spil, Fysioterapista y tambe Nanelle Croes, Ergotherapista a laga e presentenan hasi differente ehercicio pa evita dolor di lomba. Tambe nan a trese dilanti cu no ta bon pa sinta mas cu un ora y specialmente tene cuenta or abo ta tras di computer. FMTB semper ta pro-activo e semper kier promove salud di nos hendenan y awor atrobe nos a duna pueblo di Aruba e opportunidad pa hanja sa mas con nos mester combati tur e dolornan cu ta molestia nos na trabou , cas etc… E expertonan menciona a tuma nan tempo pa splika te den detailles con mester sinta , para durante trabou. No solamente adultonan tin e problema ei pero ja ta conoci cu for di tempran ora cu un mucha bai skol su manera di sinta den banki den klas ta influencia su wesonan di lomba y tambe su manera di studia.
FMTB ta invita tur hende pa nan Fundraising Songfestival 60 plus hunto cu e Nochi di Baliadornan dia 10 di November den Renaissance Ballroom for di 6pm te cu 1am cu Papito y su Biba Lekker Band , On Track y BADU.

Comments

comments

C: Heineken
new india