Pa medio di esaki Universidad di Aruba kier invita e comunidad pa participa na nos Simposio tocante Idioma Materno y Educacion Superior, cu lo bay tuma luga proximamente e dianan 19 y 20 di september 2018. Presentadornan di Aruba y internacional lo discuti e rol cu institucionnan di educacion superior tin den enseñansa, uzo y preservacion di idiomanan materno. E topico aki ta relevante pa hopi comunidad mundialmente, unda mas cu un lengua ta coexisti cu otro y sigur esaki ta tambe di interes special pa sociedadnan multilingual manera Aruba.
E simposio tin un enfoke multidisciplinario y nos ta spera e participacion di no solamente educadornan, linguistinan, sino tambe di economista, esnan cu ta traha cu ley y tur cu tin interes den e topico aki. Pa informacion adicional tocante e simposio y e presentadornan, por fabor bishita nos webpage oficial di evento (www.hlhe.org).
Admision ta gratis, pero nos ta haci un apelacion pa bo registra uzando e link abao. E ultimo fecha pa registra ta 15 di september.
FECHA: 19 y 20 di september 2018
ORA: 3:00 – 7:30PM
LUGA: Universidad di Aruba (Aula)
COSTO: Gratis (pero mester registra cu anticipacion)
EMAIL: [email protected]
WEBSITE: www.hlhe.org