Dialuna awo 3 di december, Fundacion Hende Muhe den Dificultad lo tene un simposio pa nan coleganan den veld. Den e simposio aki na lo tin diferente oradornan, manera p.e. Kirsten Regtop for di Hulanda y Johny Boekhoudt di Aruba. Esaki ta forma parti di su Campaña Orange Aruba.
E simposio aki lo tuma luga na Alhambra Ballroom, y lo ta for di 8 or di mainta te cu 4 or di atardi y lo ta parti den dos pida: parti mainta lo tin un charla y parti atardi lo ta un workshop.
Hende Muhe den Dificultad ta pidi pa tur esunnan cu ta interesa pa atende e simposio aki pa sea asina amabel di yama y reserva, ya cu no tin mucho luga disponibel. Solamente 100 luga so lo tin pa e simposio aki. Number di telefon pa yama ta 5835400.