Cu e binimento di e proyecto “Dreamers” no ta malo pero no por dijs yega hasi esaki sin traha un plan, specialmente den e parti enseñansa segun Sra. Maroeschka Cornelie, Secretaria di Simar.
Lo mester a papia prome cu e stakeholdernan, e directornan di scolnan y tambe cu SIMAR. Tur hende ta na altura cu klasnan na aRuba ta full yen, no tin caminda pa pone hende y keto bay mester trece hende di afo, pa traha den scolnan primario pa motibo cu no tin personal suficiente.
Simar no tin nada contra pa formacion di nos hobenann, specialmente si ta hendenan cu tin añas na Aruba y cu ta van plan di keda akinan. Pero si ta cuestiona e forma di a haci esaki y Simar no ta haya cu ta na su luga, pa tuma decisionnan asina abrupto sin atende cu nan.
Segun Sra. Cornelie, esunnan den candela ta esunnan cu mas por duna di conoce kico ta e dolornan, kico ta e puntonan cardinal mas importante, si mester tuma mas mucha den enseñansa. Un biaha mas, Simar ta kere cu si mester di mas formacion, cu ta importante y Simar ta kere den mas formacion pero si na un manera mas responsabel.
Aruba tin hopi mas ciudadano y tin tambe Ley di Enseñansa Obligatorio cu a bin na vigor, cu a pone cu mas mucha ta bin scol, incluso esunnan ilegal. Incluso esunnan cu ta bin cu nan yiunan pa un tempo. Tur esakinan mester bay scol. Y e millenials no ta muchanan mane antes. Tur esaki ta retonan pa esunnan para den cas. Mester tene cuenta cu esey, y no por haci como sifuera esun para den klas ey tin’e facil. E realidad ta full otro. Pesey un biaha mas ta enfatisa , decisionnan asina mester tumanan hunto cu esunnan concerni.
Den e caso aki ta un decision tuma caba, y Dreamers ta den fase di duna permiso caba. Y lo yega asina leu cu lo mester duna mas mas mucha enseñansa y Sra . Cornelie ta kere cu ta directiva di scolnan mester para duro te na unda ta tuma studiante pa e docente, pasobra a lo largo si bay yena klasnan dimas, di chikito te na grandi, di tur edad, lo bay haya problema di ao ta bay subi. Hendenan cu frustracionnan grandi y e calidad di enseñansa ta bay sufri bou di esaki tambe.
E maximo pa ley ta 36+1 alumno y djeynan tin mag di bay split e klas. Pero mayoria di directiva no ta tene nan mes na esey, pa motibo cu no tin e material, no tin e mobiliario y no tin e espacio. Y tur e puntonan aki ta haci cu no ta responsabel pa tuma e cantidad ey.
Simar a hasta propone pa bin cu un curso caminda cu un studiante por studia un onderwijsassistent, cu por yuda cu e dunamento di enseñansa. Vooral pa esunnan mas chikitio e ta necesario. Esunnan mas grandi, un ayudo semper ta bon bini , pero mas bien pa scolnan primario. Asina Sra. Maroeshka Cornelie a splica.