Den cuadro cu Dia Di Maestro,SIMAR a organisa un evento di Drive-Thru pa nan miembronan ricibi un regalito di aprecio manera un forma di aporta bek na maestronan trahando duro cu hopi retonan nan dilanti. Mirando cu ainda nos ta den e situacion di COVID-19, no por opta pa bay haci un fiesta grandi pero esaki no ta stroba SIMAR di mustra nan aprecio pa e trabao di e maestronan.
https://www.facebook.com/masnoticia/videos/3325166220913978
SIMAR a organisa un evento caminda a parti maskara hunto cu un hand sanitizer cu e docentenan por a pasa busca cu nan auto mes na SIMAR estilo Drive Thru. Awe tambe a presenta e re-apertura di nan website cual ta www. simar. aw, completamente inova cu algun cambionan.
Josephine Albertus, presidente di Sindicato SIMAR kier a gradici e maestronan pa nan tremendo trabao pasobra nan sa cu e no ta facil, y actualmente den e crisis di COVID-19 ta rekeri mas pasenshi y amor pa e trabao. “Nos ta hopi orguyoso di nos coleganan y hopi agradecido pasobra nan ta haciendo un diferencia pa e futuro di Aruba”, sra. Albertus ta expresa.