Tin hopi docente cu ta pendiente pa e tema di restructuracion di docentenan pa cual mester a cuminsa traha riba esaki for di 2016, pero te cu awe no a tende nada mas segun Sra. Sheila Tromp di SIMAR ta splica.
Reunionnan no ta andando actualmente, como parti di e stuurgroep SIMAR a manda difernte carta, tambe pa Minister. Un representante di Simar ta purba di haya contacto cu e personanan encarga cu e proyecto, pero esey no ta dunando resultado. Ainda e ta un incertidumbre pa SIMAR mes. E sindicato a haci un yamado na un otro miembro di e stuurgroep, pa asina huntao wak con ta ataca esaki. Diferente fecha a bin dilanti, encuanto e restructuracion, pero esaki no ta dunando resultado. For di februari, e fecha a bolbe hala.
Tabata tin diferente fecha unda mester a bin cu e protocol di comunicacion, unda mester bin cu un comision pa toets cierto parti di e reestructuracion, pero por a compronde cu cierto directiva no ta cla cu tur informacion pa e reunion por sigui. Esaki ta un incertidumbre, no solamente pa e maestronan pero tambe pa e sindicato.
E proyecto aki ta cay bou di e Minsiterio di Educacion y tambe e proyectleider cual ta director di Enseñansa Aruba. Pero tabata tin cierto preguntanan cu Staten a haci na e minister en cuestion, pero ainda e preguntanan aki mester wordo contesta. Hopi di e preguntanan tin di haber cu e “kostenplaat”. Dus ainda esaki no ta cla pa asina e ley por pasa y e rekisitonan cu mester pa esaki tuma luga.
E proyecto di restructuracion ta algo cu ta canando for di 2012 y for di e tempo ey la haya diferente fecha unda cu e lo drenta na vigor. Tin hopi maestro cu ta wardando ariba esaki. Ta di remarca cu no ta trata di un aumento, pero e ta un cambio den e sistema. Un cos cu ta sigur, cu e maestro lo no bay atras den salario, pero hopi di nan lo bay dilanti. Pero tambe tin personanan cu ta mal paga y ta nan tur ta wardando ariba e implementacion pa pone esaki na ordo.
Segun Sra. Tromp, no por papia di negligencia. Tur e departamentonan a traha duro na su momento, pero si mester puntra bo mes, ta yegando na final di un ronde di gobierno y eleccionnnan ta na caminda. Y e miedo cu SIMAR tin ta cu esaki ya lo no ta importante mas pa gobierno. Pero SIMAR kier logra esaki prome cu e aña escolar caba.
A inverti asina hopi tempo, energia y conocimento ariba e proyecto aki di restructuracion di salario di maestronan anto pa laga esaki para aworaki, segun Sra. Sheila Tromp di SIMAR.