Awe sindicato SIMAR tabata tin su prome encuentro cu Minister di Enseñansa, Endy Croes. E reunion a bay den un atmosfera positivo unda cu nos a tuma e oportunidad pa intercambia riba diferente topiconan den enseñansa.
SIMAR ta contento di tende cu nos Minister di Enseñansa su portanan ta habri pa nos veld di enseñansa y pa cuminsa sondea e posibilidadnan pa trece trankilidad bek den enseñansa.
SIMAR a gradici e mandatario pa a atende cu nan den tempo riba corto plaso y cu conhuntamente por traha na bienestar di enseñansa.