Pronto directiva di SIMAR lo mester conoce cambio y bin cu hendenan nobo, pa cual Sra. Maroeschka Cornelie, di SIMAR ta amplia mas ariba esaki.
Na mei, in principe, tabata tin mester eleccion caba. Pero door di falta di quorum y falta di interes pa forma parti di directiva, esaki a keda posponi. A yega vakantie, dus pa prome cu 22 di september, SIMAR mester eligi un directiva nobo. Tabata tin 3 persona cu a pone nan mes disponibel, pero mester check si nan ta disponibel ainda, mirando e peso di trabao y e peso cu e trabao di sindicalismo ta trece cun’e. Ta pidi si miembro y no miembronan, pa bira nan miembro y miembronan pa bin postula nan mes.
SI no tin suficiente interes, e ora mester bisa cu no ta bay tin sindicato di maestro mas, y esaki ta hopi pika, mirando e añanan di existencia cu SIMAR tin. Pa esaki mes, SIMAR mester di mas miembro pa sigui cu e sindicato.
Pa loke ta Sra. Cornelie, e ta evaluando si e ta sigui cu e trabao di sindicalista. SI tin un grupo di presidentenan anterior, cu a pone nan mes disponibel, pa nan traha hunto cu e sindicato, pa nan por bin bek cu SIMAR, con por motiva e docentenan pa bira miembro pa nan wak e importancia di sindicalismo, pero su persona ta evaluando si ainda.
Un siman prome cu e fecha, ainda un miembro por postula nan mes. E anochi di eleccion, ainda e por postula su mes, cumpliendo cu e rekisitonan. Pero Sra. Cornelie ta confia cu esaki tuma luga.
SIMAR tin miembronan activo y algun hopi pasivo. E directiva no por tuma decision ariba su mes, e directiva ta e voz di e miembro. Ora di vota, nan no por tuma decision pa e miembro, segun Sra. Maroeshka Cornelie, lider di sindicato SIMAR.