SIMAR na docentenan: ‘Bo derecho no ta den cuarentena’

Docentenan di Colegio San Nicolas bisti na preto protestando dilanti Bestuurskantoor

Manera conoci, pa motibo di falta di comunicacion y falta di pago di overtime pa mas cu 2 luna sigui, a conduci cu docentenan di Colegio San Nicolas mester a pone trabou abou y exigi nan derecho.

Awe SIMAR por informa cu ayeranochi SIMAR a haya carta di Minister di Enseñansa cu ta mustra cu docentenan lo haya nan pago pa fin di siman aki ainda.

“Di awor aki caba, un pabien na e maestronan di Colegio San Nicolas cu a mustra nan determinacion pa para pa nan derecho, y cu a mustra cu no paso tin COVID, automaticamente esey significa cu tur bo derechonan tambe lo ta den cuarentena”, segun presidente di SIMAR Josephine Albertus ta expresa.

E ta sigui bisa cu nan determinacion awe no solamente ta refleha cu nan lo haya nan pago, pero tambe pa e otro scolnan cu tambe ta resorta bou di DPS.

SIMAR sigur lo sigui monitor e asunto aki te ora cu e pago wordo ehecuta.

Comments

comments