Minister di Enseñansa recientemente a informa cu gobierno di Aruba lo forma un departamento nobo, DUO, pa encarga cu tur control di subsidio pa directivanan di scol, algo cu e minister a expresa cu ta pa prome biaha gobierno lo bay conoce un maneho y control financiero riba presupuesto di enseñansa. Esaki lo encera entre otro un cambio riba un control mas stricto den locual ta subsidio otorga na directivanan di scol.
SIMAR tambe a tuma nota di e ultimo desaroyonan aki den rueda di prensa, nos a tuma contacto cu nan pa un reaccion pero segun e presidente Josephine Albertus, e kier bay pidi minister un reunion, ‘pasobra pa nos tur e cosnan aki ta nobo.’
Masnoticia lo keda pendiente cu e sindicato y mas informacion di parti di gobierno relaciona cu e desaroyo aki.