Sra. Maroeschka Cornelie, Sectretaria di Simar ta splica riba e reunion general dia 16 di Mei pa trata e tema di reestructuracion salarial.
Pakico a yama e reunion aki? Segun Sra. Cornelie, tur esunnan cu ta traha den Enseñansa, pa basta tempo caba ta trahando cu diferente partner den un comision y esaki ta tumando hopi tempo. Parlamentarionan a haci diferente preguntanan, p.e. Kico lo ta e consecuencianan tocante e pot di gobierno. Y esey ta loke ta pone cu e trata di e ley den Parlamento ta tarda. Esaki ta causa cu e miembronan ta hayando stress y tur sa cu scolnan ta cerando y a pospone e fecha pa introduci na varios ocasion.
Tin hopi inkietud, hopi preocupacion y pa esey a dicidi di tene e reunion aki pa informa nan miembronan. E informacion ta basa ariba loke a trata e stuurgroep nan cual Simar ta participa tambe. Segun Sra. Cornelie, loke nan tin na informacion, ta loke nan a traha ariba dje caba. Tin cierto caminda, cu nan no mag di duna informacion, pero lo duna lo suficiente pa aclarea suficiente pa nan miembronan.
E preocupacion mas grandi cerca e miembronan di Simar, ta e fecha di introduccion. Pasobra esaki ta un trabao cu tin sigur, un 15 aña mas o menos “in the making”, y kisas hasta mas. E ultimo añanan a traha bek ariba dje y cada bes algo a tuma luga cu a pone cu a pospone e fecha y a yega tempo pa nan keda cla cu esaki.
Beneficionan di reestructuracion ta cu e docentenan lo haya mas espacio pa tur hende cu ta traha den enseñansa por crece. Y Simar lo kere cu e ta yuda tambe cu e calidad cu loke e docentenan ta bringa pe. Cu crecemento, Simar ta splica cu lo crece den entrada pero tambe lo crece den tarea. Claro cu den enseñansa no tin hopi espacio pa hopi hende. Pa un cabesante, no ta di awe pa mañan tin un oportunidad pa un director pero e chance si ta habri pa mas posibilidad.
E pregunta cardinal aworaki, ta cu si gobierno lo por carga esaki, pero Sra. Cornelie bisa cu nan no por duna mas informacion. Ta invita tur miembro pa asisti na e reunion aki. Den pasado tabata haci e reunionnan aki habri, pa no miembronan. Esun cu no ta miembro ainda, nan ta welcome pa bira miembro y di mes e ora nan por drenta den e reunion general di diamars dia 16 di Mei 2017. Asina Sra. Cornelie a finalisa bisando.