Directiva di Sindicato di Maestro di Aruba a yama un reunion general y ta recorda na miembronan di SIMAR pa ta presente na esaki. Durante e reunion aki directiva lo duna informacion general di trabounan sindical y di e ultimo desaroyonan den enseñansa. Pa loke ta implementacion di restructuracion salarial di esnan den enseñansa, directiva como miembro di e comision cu ta traha riba esaki, lo duna un bista di trabounan haci te cu awor y di loke ta pendiente pa tuma luga ainda.
Tambe tin espacio pa dos persona forma parti di e directiva actual, pues interesadonan por acudi na e reunion y pone nan mes disponibel pa votacion.
Directiva a tuma nota cu tin hopi pregunta, remarke y ideanan di miembronan, pues no perde e oportunidad y duna acto di presencia na e reunion general aki, cual lo tuma lugar diahuebs 15 di September pa 3:30 di atardi na sede di SIMAR. Maestronan y personal di sosten den enseñansa cu no ta miembro cu ta desea di afilia y presencia e reunion aki, tambe ta bon bin.