Sra Josephine Albertus di sindicato SIMAR den un entrevista a menciona cu aña escolar 2019-2020 si mira un recapitulacion di e aña escolar por menciona tabata tin hopi reto. Tur luna tabata tin algo for di aña pasa 15 Augustus cu scol a cuminsa eynan scol a habri cu diferente inkietudnan te hasta den vakantie minister di enseñansa no a brinda e veld trankilidad. A cuminsa cu diferente carta di loke e kier cambia y decisionnan unilateral y asina a sigui tur luna tabata tin algo. Comienso di aña mirando e situacion di COVID for di Maart tabata tin conscientisacion parti di COVID diferente charla SIMAR mes a yuda na conscientisa y duna informacion y a trece esaki na veld di enseñansa y nos tur sa cu 13 Maart ora COVID a yega Aruba e situacion a trece hopi incertidumbre na e veld di enseñansa. Mes ora 16 Maart Gobierno a dicidi di cera tur e scolnan y desde e momento ey e ceramento a trece hopi inkietud pa e veld, mester a tene cuenta riba hopi factor, tur e limitacionnan maestronan a pone tur cos hunto y a haci un esfuerso grandi pa enseñansa continua. Veld di enseñansan a demostra motivacion, pasion y dedicacion pa zorg pa enseñansa sigui y tin gradicinan debi cu nan a haya hopi critica di banda di gobierno, comunidad y tog nan a demostra di a pone e alumno central y a haci tur nan esfuerso pa enseñansa sigui.
Nos lo sigui lucha te ultimo y nos di sindicato SIMAR kier gradici e veld di enseñansa pasobra nan a pone confiansa den SIMAR y a aserca nos y cada biaha a bin cerca nos, nos a sostenenan te unda cu nos tabata por y ta haya importante di haya trankilidad den enseñansan y pa e aña escolar nobo por garantisa cu lo tin hopi mas reto nos dilanti y e situacion di COVID y e 3tranche nos no lo sa con esaki ta bay ta pa enseñansa debi na hopi cortamento. Un cos si cu SIMAR por garantisa e veld di enseñansa cu nos lo sigui cu e lucha pa atende tur problema cu a presenta y lo presenta den futuro, pasobra nos ta haya importante pa trece trankilidad y solucion adecuado, asina Sra Josephine Albertus a menciona.