BARBUDA, BVI – E wowo di e horcan mas teribel cu hamas a yega di crusa lama Atlantico a pasa ariba Barbuda cu su potencial destructivo grandi. Te ainda no tin noticia di eynan.
E wowo di horcan Irma, cu a alcansa e categoria 5 di intensidad den oranan di atardi di diamars, diaranson a atravesa e isla di Barbuda cu efectonan “potencialmente catastrofico”. Otro paisnan den Caribe, manera Puerto Rico, Republica Dominicana y e resto di Antiyas Menor tambe lo por hayanan seriamente afecta, segun e Centro Nacional pa Horcan (NHC) di Merca.
Varios testimonio publica ariba rednan social ta apunta cu henter e tecnologia di telecomunicacion riba e isla di Barbuda a keda destrui cu e pasada di Irma.
“Un emisora local di Antigua, isla cerca di Barbuda a bisa cu e isla a sufri dañonan menor door di e biento, pero nada ainda di Barbuda. Irma a pasa directamente ariba e isla di Barbuda”, un usuario a señala precisamente door di e silencio preocupante.
Algun imagen comparti ariba e mesun red social ta mustra e pasada di e horcan net ariba e isla, cual ta permiti pa supone cu e magnitud di e dañonan ocasiona door di e horcan ta hopi halto. Mas cu suficiente pa e destruccion di e structuranan basico di comunicacion.
Un otro usuario di rednan social a bisa cu e ta spera cu a evacua e habitantenan di Barbuda, San Bartolome, Anguila y St. Maarten. Ta spera un destruccion a causa di Irma.
Fuente: https://actualidad.rt.com/actualidad/249144-preocupante-silencio-barbuda-huracan-irma