Keto bay e tema di siguridad ta keda un tema papia den comercio, mirando cu tin hopi atraco den e prome mita di aña 2017. Sr. Ronald Van Trigt, presidente di ATIA ta splica e preocupacion cu tin.
ATIA tabata tin varios reunion cu Minister di Husticia, e team di husticia tambe. Y pa medio di otro organisacionnan tambe, ATIA ta bon na altura di hopi cos cu ta wordo haci ariba e tereno di prevencion y combatimento di crimen, cual ta un aplauso grandi pa Cuerpo Policial. Nan ta haciendo un tremendo trabao pa combati y soluciona e crimennan na Aruba. Pero Sr. van Trikt ta di opinion cu mester bay mas leu den e sentido con nos por sigura nos isla.
Un punto di preocupacion,desporprocionalmente, e tipo di crimen cu ta wordo cometi, casi mita di nan ta wordo haci door di hendenan cu ta bin di un pais cercano. Hopi biaha ta trta di hendenan indocumenta, y tur hende sa cu e pais ta pasando den un situacion hopi dificil, pero asina mes, segun Sr. van Trikt, mester tene bon cuenta cu e tipo di crimen ta cambiando tambe. E crimen mas y mas ta wordo cometi cu arma. E crimen ta birando mas violento tambe. Kisas door di cu hendenan di Aruba ta hende nan pacifico, si e hendenan aki ta capas pa uza arma tambe. Pero loke si ta preocupante ta, cu mester cuminsa pa pone algun regla y ta hopi frustrante pa tende, cu polisnan nan mannan ta mara ora ta yega na combati ilegalidad ariba Aruba, segun Sr. Ronald van Trikt, presidente di ATIA.