DEN HAAG, Hulanda – “Asina hopi siguridad. E no ta normal. E ta cuminsa manera cu bo sali for di stacion di trein. Tur caminda tin polis,” bishitantenan a comenta di Prinsjesdag. Tambe Frits Wester ta mira esaki asina aki: “Esaki ta mi di 30 Prinsjesdag. Pero asina hopi siguridad nunca mi a mira.”
Tur caminda tin polis. Brandweer y ambulance ta preventivamente cla. Y polis ta controla tur tas. “Asina hopi siguridad mi no a mira nunca,” segun rumannan Marij Staps y Ans van Geelen. Esaki ta nan di dies Prinjesdag. “Nos ta bin tur aña pasobra nos kier celebra democracia y libertad.”
Atentadonan
Pero debi na tur e siguridad aki, por a sinti cu e “celebracion di libertad” ta un tiki otro. “Tur e agentenan no ta para por nada. Bo por pensa un biaha mas na e atentadonan, manera Nice. E ta pasa inconcientemente door di bo cabes mientras cu bo no kier esey,” Ans ta conta.
Na Korte Poten tin un polis den cada skina di caya. “Si hende ta comporta nan mes sospechosamente, nos ta bay cerca nan y puntra si nos por wak den nan tas,” un agente ta conta. “Nan tin cu duna permiso si. Mayoria ta hay’e ta ok. Pero e por cambia.”
Den otro areanan polis por controla tas sin puntra.
Nunca bisto
Tambe e reportero politico Frits Weter – p’e ta su di trinta Prinsjesdag – nunca antes el a mira asina hopi siguridad y polis. “Esaki no ta normal. Den tur skina di caya tin un hende. Y ambulance y brandweer ta preventivamente cla; Esey tampoco mi no a mira nunca. Esaki tin di haber cu e nivel di siguridad cu ta presente.”
Polis na Den Haag no kier perde nada. “Na bienestar di siguridad nos ta bisa nada riba nos posicion,” un vocero a splica.’
Fuente: RTL Nieuws