MADRID, Spaña – E partido pa e buelta di semifinal di e Liga di Campeonnan entre Real Madrid y Atletido de Madrid den e stadion Santiago Bernabeu, lo conta cu un dispositivo reforsa di siguridad di mas di 2000 efectivo, e delegacion di e Gobierno den e capital a informa diabierna.
“Ora ta trata di un partido di Champions League, considera di Alto Riesgo, ta reforsa e siguridad,” e delegacion a afirma den un comunicado.
Pa esey, autoridadnan ta pidi na e aficionadonan pa al acudi pa e proximo 2 di mei na Bernabeu “cu tempo suficiente pa por pasa den e controlnan di siguridad y drenta prome cu e partido cuminsa,” segun e nota, cu ta premira e presencia di algo mas di 4000 aficionado di e cora-blanconan den un luga cu capacidad pa 80 mil espectador.
E dispositivo lo conta cu cerca di 2100 efectivonan dip olis, sanitario y siguridad priva, superando esaki dia 18 di April den e partido di buelta di e cuartonan di final entre Real Madrid y Bayern Munich, cu no a yega 2000.
Den e partido aki, caminda cu Bayern a perde 4-2, polis Spaño a carga durante e halftime contra un sector di e siguidornan di e ekipo Aleman, aparentemente pasobra nan lo a saca un borchi no permiti.
Un siman prome cu e partido aki, fanaticonan di Leicester a protagonisa algun incidente riba e Plaza Mayor Madrileño, prome cu e partido entre Atletico de Madrid y Foxes, den e ida pa e cuartonan di e maximo competencia continental di e clubnan.
Varios efectivo a keda encarga e momento ey cu e siguridad rond y dentro di e stadion Vicente Calderon.
Fuente: El Espectador