DEN HAAG, Hulanda – Durante di e vakantie di zomer aki sigur un 34 mucha wordo secuestra for di Hulanda. Esaki ta segun cifranan di e Centro Internacional di secuestro infantil (Centrum IKO). Esey ta nuebe mas compara cu e mesun periodo di aña pasa. Pakico e subida aki ta segun e Centro dificil pa bisa. Den mayoria caso e muchanan ta wordo hiba pa nan propio mama.
E Centro IKO ta sostene mayornan cu ayudo di e ministerio di Siguridda y Husticia, di cual yiu a wordo hiba den exterior. Tambe e orgnisacion ta mantene e cifra cuanto mucha a wordo secuestra y unda nan por ta (posiblemente). E zomer aki tin vooral hopi mucha cu a wordo respectivamente secuestra pa Spaña, Rusia y Turkia, segun e Centro.
“Mirando e excepcionnan, mi no ta kere cu un mucha lo wordo simplemente secuestra,” e director di e Centro IKO, Coşkun Çörüz. “Bo sa sigur cu e ta trata di un matrimonio internacional, mescla. Hopi biaha despues di un tempo tin señalnan cu e partner cu ta bin Hulanda for di afo, no ta sinti su mes comodo. Cu e no ta integra, no tin un trabao…. Tambe bo ta haya e caso por ehempel cu e matrimonio no ta cana bon, por ta factornan cu un secuestro infantil ta tuma luga.”
Dicon e cantidad di muchanan secuestra ta mas halto e zomer aki cu e aña anterior, Centro IKO no sa. Posibel no ta e cantidad di e muchanan cu a wordo secuestra, pero ta e cantidad di melding. “Prome cu zomer, nos a pidi atencion hunto cu Koninklijke Marechaussee riba secuestro di mucha. E notificacion aki por ta a conduci cu hendenan por haya nos mas lihe,” Çörüz a bisa. Na 2015, segun e Centro tin menos mucha a wordo secuestra cu e aña prome. Polis no por bisa directamente riba e pregunta cuanto caso di secuestro di mucha e zomer aki a aparece den e sistemanan di polis.
Fuente: NRC