HILLA, Irak – Durante un atentado di bom riba un stacion di gasolin den e ciudad Iraki Hilla, sigur 70 persona a fayece.
Segun AFP, e victimanan principalmente tabata peregrinonan Irani. Dies persona a keda herida ora cu un truck di carga a rementa. E caminda tabata yena cu hende cu tabata bin bek for di un peregrinacion di Arbaeen.
E grupo terorista Estado Islamico hopi biaha ta comete atentadonan di bom. Luna pasa sigur un cincuenta persona a fayece durante varios explosion den e capital Iraki. Mayoria di e victimanan a cay den un restaurant den un caya druk, caminda cu kamikazenan a bula nan mes durante lunch. Tambe e atentadonan a wordo renoci pa Estado Islamico.
E ultimo aña, EI a perde hopi tereno na Irak. E atentadonan suicida a tuma luga como vengansa. Militarnan Iraki ta a punto di libera e ciudad Iraki Mosul di posesion door di Estado Islamico.
Fuente: Nu.nl