MANILA, Filipinas – Sigur 26 persona a fayece diamars na Filipinas door di un accidente cu un bus cu nan tabata sinta aden. Segun servicionan di rescate, e bus a cay den un ravijn basta hunto, mas of menos 150 kilometer noord di e capital Manila.
Den e accidente aki 22 pasahero a wordo herida. E bus a cay den e ravijn cerca di e pueblo di Carranglan. E motibo di e accidente ainda ta desconoci, pero posiblemente e brakenan lo tabata un hunga un rol, segun autoridadnan local.
Entre e mortonan tabata tin 18 hende muhe, shete hende homber y un mucha. Originalmente mester lo tabata tin 40 persona cu lo mester tabata sinta den e bus, pero na Filipinas hopi biaha e busnan aki ta yen te dimas.
“E vehiculo ta un ruina,” segun polis. “Casi tur pasahero a wordo saca for di e bus door di e impacto.” E dak di e bus a laga bay durante e accidente.
Fuente: Nu.nl