CALI, Colombia – Un hoben di 17 aña a wordo gara den e parti zuid di Colombia riba sospecho di 30 asesinato. E lo mester a haci esaki desde cu e tabata tin 12 aña. E notorio hoben cu su apodo Frijolito, ya pa un tempo caba a wordo busca.
General Hugo Casas, hefe di polis di e ciudad Cali, a bisa medionan Colombiano cu e ta aresta y ta wordo persigui pa asesinato y pa secuestro, extorsion, robo y atraco.
Casas a bisa cu Frijolito a keda envolvi durante un investigacion policial na Cali den circulo di bandanan di droga.
Sigur dos asesinato, ehecuta den un centro comercial, no ta dificil pa mustra pasobra esaki a wordo gara pa camaranan di siguridad. Tabata mortonan cu na fin di September, husticia a haya spoor di Frijolito. Su nomber berdadero no ta conoci.
Fuente: De Telegraaf