Den e discusion relaciona cu color di partido, pa cual Sr. Glenn Thode, presidente di Conseho Nacional Electoral a splica cu ta aplica e ley, cu ta stipula cu tin un lista di color. Esey ta conoci na e partidonan. Sr. Thode ta sigui splica.
Segun Sr. Thode, e lista di color ta conoci na e partidonan y e ley ta duna e oportunidad na e partido pa duna nan preferencia. Pero ley ta duna un manera tambe pa soluciona si tin mas di un partido cu a aplica pa e mesun color. Esey mester wak’e ainda. E ora mester aplica e ley ariba dje, no ta bay den discusion cu esey.
E aña aki, PPA/UPP e aña aki nan lo uza e color oraño di PPA. Pero tin tres partido mas, cualnan ta POR, RAIZ y MAS, tur tres kier haci uzo di e color blauw. Y lo por haya tres diferente color di blauw. Pero partido POR y MAS si tin bandera. RAIZ no tin ni bandera e biaha aki.
Ariba e lista, segun Sr. Thode, tin e color stipula conforme e ley. Un di e partidonan ariba e lista so por tin un color. Y manera indica caba, tin diferente color. Algun di colornan tin color cla y skur. Pero conforme e ley Conseho Nacional lo tuma decision ta cual listanan ta bay tuma cual di e colornan ariba e stembiljet.
Pa loke ta trata e carchi cu mester yega na cas di e hendenan, si nan ta den proceso caba y e papel pa votacion, tur esakinan ta den planning caba. Pero naturalmente mester warda te dia nan tuma decision ariba lista y validez di cada candidato ariba lista, tambe e secuencia y e colornan, cual lo tuma luga otro siman diabierna dia 25 di Augustus. Ta despues di esey ta manda print e carchinan como tambe e stembiljet.
Ley ta stipula cu ocho dia prome cu e fecha di votacion, e personanan cu tin derecho di voto lo mester haya nan oproepingskaart of nan carchi di vota, segun Sr. Glenn Thode.
Pa cu e tema di politiconan cu kisas tin di haber cu casonan di husticia den pasado y ta subi lista, Conseho Electoral ta wak esaki tambe ora di scan e personanan. Den nos estado di derecho, basicamente cu strafkaart, e momento cu e hende tabata sospechoso di un crimen y cu a tuma un decision y a sinta su straf, basicamente su debe na comunidad a wordo paga caba. Bo ta keda cu’n strafkaart, e ta conecta fuertemente na bo comportacion, na bo caracter, kisas e ta relevante si bo bolbe cay den dje pa hende tin caba documenta. Y pa cierto tipo di trabao, berdad si ta miho, si ta mas sabi pa no tin hendenana ey.
Na Aruba nos conoce un democracia unda pueblo ta participa grandi na dje. Tin un margen di hende cu ta bay eleccion halto. Y Sr. Thode ta spera cu e biaha aki tambe, nan participa tambe, ap eligi nan candidato faborito dia 22 di September proximo.