E forma con departamento veterinario ta uno cuestionabel, pa cual sra geraldine kock di crijojo trappers ta splica riba e desaroyonan cu ta tumandona e luga cu ta kita bida di e cachonan. Sra. Geraldine Kock ta amplia mas pa esaki.
Loke nan kier haci awo ta pa cambia cierto proceduranan cu tin aworaki. Durante investigacion a bin sali afo cu na Europa of Merca, solamente un veterinario por eutanisa e bestianna. Pero aki na Aruba, nan no sa si e meneer cu ta haci’e na Aruba, ta certifica pa haci esaki. Esey nan kier cuminsa na cambia.
Un otro meta di nan ta pa cambia e ‘killing cage’ leu for di e shelter, ya cu no ta klop pa tene e dosnan aki banda di otro. Tambe Crijojo Trappers kier conscientisa e pueblo, pasobra e pueblo no ta haci nan trabao manera debe ser. Nan no ta wak e animalnan. E killing cage’ t’ey pasobra cu nos mes kier, pasobra cu no ta sterilisa nos bestianan, cu ta bay ariba caya y lo termina den e ‘killing cage’.
Criojojo Trappers a yega di saca cachonan di raza for di e ‘killing cage’, cachonan cu chip, etc. Lo ta bon pa e luga cuminsa scan e cachonan, y duna por lo menos 48 hora, ya cu bo no sa nunca. Tin ora ta bisiña ta esun cu no ta gusta e cachonan, ta hiba e cachonan ‘killing cage’. Tur sorto di cacho e fundacion ta haya den e ‘killing cage’. Hopi biaha ta trata di cacho of pushinan cu ta sano, pero nan ta djis matanan.
E fundacion ta supone cu ta Servicio Veterinario ta esun cu ta duna e ordo pa mata e animalnan. Sra. Kock di Criojojon Trappers kier sigui pa yega na haya sa con nan ta mata e cachonan, ya cu nan ta skucha, lastimamente cu no ta pone camara y no por haci nada eyden. Tin hende cu ta bisa cu nan ta skucha con e cachonan ta grita, cu tin sanger etc. Pero ta un lastima cu nan no por ta eynan pa wak’e. Pero e fundacion kier bin cu’n cambio. Ta tristo cu’n doño ta yega y e ta yega laat, ya cu nan ta mata nan cachonan.
E fundacion no kier busca problema cu niun hende, ya cu nan kier cambia cosnan cu ta bayendo fout, pa cumisna drecha esakinan. Awo tin un gobierno nobo, y pa prome biaha nan a sinta cu e minister. E fundacion ta traha hunto cu otro fundacion di exterior, United Dogs. E trahando en conhunto ta bayendo bon, segun Sra. Kock di Fundacion Criojojo Trappers. Na Europa e ta un obligacion pa e doño cana cu su cacho na un liña, pa e haci e necesidadnan y e doño ta obliga di haci esaki limpi tambe. Pa tin pushi of cacho ta check si e cas ta bon, etc. y ta paga belasting ariba nan.
Al contrario aki na Aruba, ken cu ta por haya un animal y si nan cansa di e pushi of cacho, nan ta deshaci di dje na cualkier manera, segun Sra. Geraldine Kock, di Fundacion Criojojo Trappers.