Asociacion di Panaderonan a reuni cu gobierno den relacion cu e proximo aumento di prijs desde 1 di Juli como consecuencia di aumento di BBO. Sr. Miguel Nucete, director di Panaderia Moderna y vocero di e asociacion ta amplia mas ariba esaki.
E reunion cu e delegadonan a bay den un bon ambiente. E delegadonan a pidi e comerciantenan nan documentacion, factura y Financial Statement, cual a wordo entrega diahuebs atardi. E siguiente paso ta cu nan lo sinta cu Economische Zaken dia 21 di Juni.
Gobierno ta purbando riba esaki pa wak si por hinca e pan plus y bruin bek den canasta basico y esey ta locual a wordo palabra. Aunke ta logico cu e ta bay subi pasobra e ta poniendo un bbo, bazv y bavp cu 2,5%, y ta bolbe subi ora consumidor ta bay cumpre riba reki.
Tambe kier wak si por elimina tur sorto di belasting riba pan como producto den canasta basico. E ora e pan y hopi otro producto pa e consumidor ta bay baha. Gobierno ta trahando riba esey pa wak si nan ta logra. Gobierno lo kier amplia e canasta basico.
E pan ta aumenta asina halto siendo cu e costo di pan den general e ta bay subi cu 4%, anto tambe ora e tax ta subi den 6% plus gastonan di produccion tin cu cobra e 6% esaki na e supermercadonan. Esaki na su bes, ta wordo cobra atrobe na e consumidor ora e cumpre for di reki.
P’esey a sinta cu gobierno unda cu pan ta ubica entre afls. 4,15 y afls. 4,20. Si gobierno logra, e kipashi blanco lo baha na Afls. 3,75. E consumidor lo beneficia di esaki. Mescos ta si logra hinca fruta y berdura den caso cu logra.
Pan blanco tabata e unico hinca den cesta basico, y ta di 7 aña pasa cu no produciendo pan bruin y pan plus cu tin 5% di wheat. E prijs tin 7 aña cu e no ta cambia.
Por ultimo, Sr. Nucete a bisa cu e siguiente reunion lo ta cu Economische Zaken, cual lo tuma luga dia 20 of 21. Despues dia 28 di Juni, lo reuni un biaha mas cu Minister, cu ainda ta na tempo pa dia 30 lo informa comunidad riba e prijs nobo, pa asina no tin sorpresa di 1 di Juli.