Sr Aldrick Croes di Cuerpo Policial encarga cu departamento di rijbewijs a duna di conoce cu e pasamento di rijbewijs ta un proyecto piloto di e theoria di examen di rijbewijs. E motibo pakico e ta piloto ta pasobra cu tin algun stap ainda pa wak si nan ta cana bon y e forma pa evalua si e ta bayendo na e forma cu e mester ta. Si mester haci cambionan necesario lo haci esaki y ta algo cu a traha riba dje hopi tempo, trabounan pisa pa un temporada largo y pa haci e examen digital y e procedura pa cu esaki.
Un total di 180 persona lo bay pasa e theoria examen di e personanan cu slaag di biaha lo haci e examen practico y lo haya nan rijbewijs si slaag pa tur dos. Sr Croes a bisa cu esaki lo duna e posibilidad den futuro pa ta mas flexibel cu nos examennan y ta exigi menos persona pa pasa e theoria examen. Antes ora di sinta na mesa bo tin cu sinta cu dos polis pa cada examen.
Awor aki bo tin un persona para dilanti klas cu ta dirigi full e theoria. Y ora di pasa practica ta un polis lo bay cu e persona y esaki lo hisa e capacidad pa pasa mas examen mucho mas. E examen mes ta tumando luga den tres idioma e ta bay na e idioma di e persona y na caminda lo wak ki dificultad un pasado di examen ta topa cune.
Loke ta e examen conoci cu ta pasa na mesa lo bay laga esaki si topa cu un persona cu tin cierto dificultadnan, sr Croes a comenta.
E rotondenan cu nos tin na Aruba lo bay wordo poni tambe den e examen, pero poco poco ta hincando loke mester hinca den e examen.