E funcionamento di asunto nan social semper tawata un punto di atencion. Hopi biaha comunidad ta wak e situacion aki a un forma negativo. Ta wordo papia di un crisis social, un presion di trabao halto, poco fondo pa traha cu ne, tur e aspecto nan aki ta pone cu e ciudadano tin menos confiansa den e funcionamento di nos sistema social, na es forma aki nos ta crea un distancia entre comunidad y nos ayudo social.
Nos na Aruba kier duna ofrece yudansa na tur esnan cu mester di esaki. Mester por comunica cu e grupo mas vulnerabel por ehempel e grandi nan, mucha nan cu ta wordo neglisha y hende cu no sa unda pa acudi cu nan problema.
Mester por modernisa e funcionamento social. E sistema di antes no ta funciona mas y e desconfiansa ta bira dia pa dia mas grandi den e grupo di esnan den necesidad pa ayudo.
Ta papia cu mester fondo, placa pa realisa proyecto nan social, cu falta personal pa traha pero mester wak prome ken tur mester ayudo, con grandi e grupo aki ta, kico por wordo logra den un anja. E pregunta principal ta con e mentalidad di mi trahado nan ta den mi organisacion?
Por logra hopi door di cuminsa traha digital. Trece e medio di yudansa mas cerca di e grupo cu mester cierto yudansa. Den e funcionamento social actualmente no ta traha cu digitalisacion. Instancia nan mester traha mas eficiente, haci nan mes mas conoci den comunidad pa asina logra mas. Mester cuminsa traha concentra sin diferencia di color politico, conexion di famia cu tin puesto y faboritismo. Un sistema cu ta bay funciona optimal ta haci uso di tecnologia y cifra den data pa por monitor e yudansa na un forma corecto pa obtene miho resultado. Enfoca riba proyecto nan a base di e ayudo cu e momento ey ta pidi mas atencion y crea confiansa bek den nos comunidad.