E academia di arte y baile acrobratico Aerial Dance & Performance Aruba ta den pleno preparacion pa nan proximo show. Den esaki lo participa alumnonan di e scol, demostrando nan talento durante un espectaculo di baile acrobatico.
Inspira pa e mundo di e pelicula Avatar, e show titula “Na’Vi” lo trece arte visual y baile acrobatico hunto, presenta pa e alumnonan mes.
Aerial Dance & Performance ta un scol di baile acrobatico funda na mei, 2018 y ta duna les na muchanan for di 5 aña di edad te cu adulto. Dirigi pa instructornan profesional certifica manera Maria Alejandra, Kelly Moreno y Daniela Sanchez, Aerial Dance Performance Aruba ta conta cu un ekipo motiva pa inspira alumnonan pa crece den e mundo di baile acrobatico.
E show ta conta cu participacion di mas cu 65 alumno cu tin varios luna practicando pa por demostra na talento y progreso den e arte aki na comunidad di Aruba. E evento lo tuma luga riba diabierna, 28 di mei pa 6.30 di atardi y 8’or di anochi, como tambe riba diasabra, 29 di mei pa 6.30 di atardi y 8’or di anochi.
Pa tur esnan interesa den presencia e tremendo show aki, carchi ta obtenibel pa solamente 25 florin na e base di e academica situa den Italiestraat 18 of via whattsapp: 297 5666833.