E unico manera pa traha trankilo y pa ta bon mester haci tur cos legal. Gerencia di Cilo ta busca manera pa haci e cosnan bon, di haci e cosnan legal, pa tur dispocision, cu tur humildad y cu tur respet cu Aruba merece y nan hendenan. A bin simplemente pa traha y haci negoshi na Aruba pa produccion pa tur hende, segun Shoemily Hidalgo.
E ta sigui relata cu desafortundamente tin diferencia y nan ta wordo nota rond Aruba y henter aruba ta mirando esaki. Pesey kier pa simplemente recalca cu dilanti dificultad y necesitudnan, e mal comentario y e cosnan cu ta wordo extendi, nan disposicion semper lo bay pa aclara, mantene firme y Cilo semper tey pa aclarea na cualkier cos atrabes di su abogadonan.
Hidalgo a splica e no ta ken pa bisa si e sistema di Aruba tin cu cambia, pero si falta informacion pa inversionistanan y hasta ta invita tur e coleganan Venezolano pa no tin miedo mas bien pa uni na personanan cu conocemento y cu sabiduria y por instrui na un manera simpel. Cu un bon informacion y benevolencia y bon intencion, cualkier diligencia ta factibel pa e inversionistanan. Hidalgo ta kere cu ta cumbini e Venezolanonan pa nan bin y sinta cu nan abogado y sigui invirtiendo na Aruba, pasobra e bal la pena.