Shinouska Albertus di Reclassering: Ta purba di yuda hobennan pa drenta den mercado laboral pa nan no cay bek den man di husticia

Stichting Reclassering en Jeugdbescherming Aruba, ta purba di yuda hobennan pa nan por drenta mercado laboral pa asina nan no cay bek den man di husticia. Esaki ta segun Shinouska Albertus, representante di e fundacion.
Unabes e hobenann drenta den e proyecto di Leerwerktraject, ta traha riba nan. Tin tres diferente aspecto. Una bes nan drenta, ta wak si nan ta bay dilanti. Ta wak prome kico ta wak como successfull factor. Esey por wak cu e por ta den area di scol, of den area laboral of den e area social.
E proyecto en cuestion ta hopi positivo. Por wak e cambio den e manera y e forma cu e hoben ta drenta y e ora cu e hoben ta sali. Hopi hoben ta haya nan diploma of tambe nan ta haya nan trabao of nan manera di pensa, nan manera di actua ta cambia y tur esey ta wak’e como algo positivo.
E hobennan por inscribi boluntariamente pa aplica den leerwerktraject. E proyecto ta habri pa tur hoben, di edad di 16 pa 25 aña. Tur hoben cu no a caba scol entre e edad ya menciona por aplica pa e proyecto aki. E proyecto a cuminsa como un pilot na Aruba pa solamente esnan cu a cay den man di husticia y asina tabata tin resultadonan positivo cu awor aki a habri e porta pa tur hoben na Aruba.
Reclassering ta acerca tur hoben. Tin hobennan cu a cay den man di husticia y si nan ta interesa pa participa den e proyecto, nan tambe ta bon bini.
Mayornan tambe ta bin inscribi e hobennan, pero un rekisito pa e hoben por participa na e proyecto ta cu e mester ta dedica y motiva pa traha riba tur tres aspectonan. Si un mayor bin inscribi nan yiu, pero e yiu mes no kier, e ora e no ta participa cu e proyecto, e mester bin di e hoben mes, pa sigui cu e proyecto.
E mester kier siña no cu e ta obliga, segun Albertus.
Manera ya menciona, e ta consisti di tres aspecto. Aspecto laboral tambe uno, cual mester cooperacion di companianan, pa asina nan por yuda e hobennan pa finalisa e proyecto. Na final tin varios compania cu a participa na e proyecto. Tabata tin resultadonan positivo, pero ta mirando cu ta bira mas dificil pa companianan participa na e proyecto aki. Locual cu Albertus ta pensa cu tur scol ta bezig ta aplicando cerca e mesun companianan. Esey ta haci e posibilidad mas chikito pa haya un luga pa e hobennan.
Por mira cu companianan ta habri pa yuda e hobennan, pero mester mas sosten di diferente compania. No por keda bay cerca e mesun companianan pa yuda. Reclassering ta organisa diferente anochi informativo pa e companianan. Tambe ta acerca nan cu diferente carta pa un apelacion pa tuma un hoben den e compania, segun Albertus.

Comments

comments