PHILIPSBURG, St. Maarten – Shete Venezolano ta deteni despues di cu nan a wordo haya ta traha ilegal den e pais. Solamente ciudadanonan Hulandes y residentenan legal ta permiti pa traha na St. Maarten sin un permiso otorga door di gobierno.
E Venezolanonan a wordo aresta den dos cas cual locacion no a divulga. E razzia a wordo conduci door di e Departamento di Traficacion Humano di Cuerpo Policial diamars mainta relaciona cu’n investigacion andando contra di contratacion illegal di Venezolanonan door di varios compania di construccion.
Operacionnan administrative y un suma grandi di placa a wordo confisca den e razzia, segun un comunicado di Ministerio Publico.
E investigacion aki lo conduci na varios recomendacion door di departamentonan hudicial, manera p.e. aumento di control relaciona cu violacion di leynan laboral.
Traha ilegal na St. Maarten ta prohibit. Esaki no solamenta pasobra e ta disminui e oportundiad di e localnan pa haya un trabao ariba Mercado, pero tambe pa motibo cu trahadonan indocumenta ta wordo explota, segun Ministerio Publico.
Polis, Alpa Team, Fraude Unit, Cuerpo Policial y Minsiterio Publico a uni forsa pa combati empleo ilegal.
Companianan di construccion y e cadena di hotelnan grandi lo mester asumi e reglanan y combati empleo ilegal, particularmente pa construe un St. Maarten mas fuerte, segun Ministerio Publico.