Bo ta sufriendo di perdida di cabey, y bo no sa con pa caba cu e proceso aki? Nos ta dunabo 10 rasonnan mas comun pa cual e cabey ta cay, y nos ta contabo con pa deten’e esaki. Si bo sigui e pasonan aki, tur cos lo bay mucho mas facil.
1. Problema di schildklier
Un di e motibonan pa caul bo cabey ta cay, ta pa problemanan cu schildklier. Ora esaki pasa, ta pasobra cu nos curpa ta experimenta un desekilibrio hormonal, cu por bin door di menopausa, pa problemanan den e sistema hormonal of door di diabetes.
Con pa soluciona esaki?
Si bo ta sospecha cu e perdida di cabey ta debi na un problema di e caracteristicanan, e lo tin cu bay un dokter pa e haci bo e estudionan necesario y pa e dunabo e tratamento adecua.
2. Door di sigui un dieet demasiado duro
Tin biaha nos ta tene dieetnan asina duro cu solamente ta perhudica nos salud. Mester tene na cuenta, cu si nos perde hopi peso den plaso cortico di tempo, esaki lo no ta nada bon pa nos organismo y lo haci cu nos sistema inmunologico ta debilita.
Tur esaki lo resulta den un caida di cabey. Den caso di, cu, ademas bo tin malesanan respiratorio of infeccionnan, e organisamo lo tarda pa recupera.
Con pa soluciona esaki?
Na luga di haci dieet, haci ehercicio regularmente.
3. Stress cronico
Stress cronico por provoca tambe e perdida di cabey, ya cu e ta afecta e fluho di sanger cu ta yega na e cuero di cabes. E bon noticia ta, cu si e cabey ta cay door di stres, e perdida aki ta recupera rapidamente.
Con pa soluciona esaki?
Sigura pa bo descansa cierto oranan di dia y nan sa con pa haya e modo di relaha. Den caso di cu bo tin problemanan emocional y bo no sa con pa resolve esakinan, bo mester bay un psicologo.
4. Un tratamento incorecto di e reis di cabey
Realisa un tratamento incorecto den e reis di cabey tambe ta bin cu consecuencia. Y esaki ta cu tin un serie di productonan cu bo mester uza leu a leu y no haci uzo di nan frecuentemente. Esakinan ta aparatonan manera : blower, curler of un plancha.
Con pa soluciona esaki?
Zorg pa limita e uzo di blower, plancha y productonan kimico, y tambe, consulta cu un profesional pa e recomenda e tratamento y e productonan cu mester uza pa nan tin bon resultado.
5. Pa cierto remedinan
E hecho di consumi determina di medicamento, tambe e por provoca e perdida di cabey. Entre e remedinan, nos ta haya algun destina pa e personanan cu tin presion halto.
Akinan tambe, tin e anti- depresivonan cu por provoca un efecto secundario, cual ta precisamente e perdida di cabey.
Con pa soluciona esaki?
Si bo stop di bebe esakinan bo lo wak con bo cuero di cabes ta reestablece. Sin embargo, den ningun caso, bo mester stop di bebe remedi sin consulta cu bo dokter.
6. Anemia
Anemia ta provoca perdida di cabey. Esaki ta bin door cu e fluho sanguineo den e reis di cabey, ta wordo afecta pa e falta di hero.
Pa haya sa, si bo ta sufri di anemia, lo bo mester wak si bo ta experimenta un serie di sintomanan manera, insomnio, debilidad general of pereza. Si bo ta wak cu bo tin e señalnan aki, bo mester sa si ta momento pa revisa e nivel di hemoglobina cu bo tin den bo sanger.
Con pa soluciona esaki?
Si despues di un analisis ta confirma cu bo tin anemia, bo mester agrega mas alimento cu tin hero den dje, na bo dieta. Entre e alimentoann aki tin, carni cora, y granatappel.
Den caso cu bo no mehora, lo bo mester tuma algun tipo di suplemento di hero cu bo dokter mandabo.
7. Avitaminosis.
Bo mester tene na cuenta tambe, cu kisas bo cabey ta cay, pasobra cu bo tin deficit di microelementonan y di vitamina.
Ta fundamental pa bo wak si bo tin deficiencia den vitamina C, ya cu esaki ta fundamental den absorbcion di hero y ta stimula e produccion di colageno cu ta fortalece e reis di cabey. Bo cabey lo bira mas swak tambe si bo tin deficit di vitamina B.
Con pa soluciona esaki?
Inclui den bo dieet alimentonan cu ta rico na vitaminanan C, B y otro microelementonan saludabel.