LONDON, Inglatera – Polis Britanico a aresta shete persona dentro di e investigacion riba e atake di un lobo solitario cu a mata tres persona y a herida 40, prome cu el a wordo abati pa polis cerca di e Parlamento di London, e maximo responsabel antiterorista di e pais a bisa diahuebs.
Mark Rowley a bisa cu tabata tin cuater morto, entre nan e agreso y 29 hospitalisa, shete di nan den situacion critico.
Polis ainforma diaranson cu e mortonan tabata cinco, dene pio atentado di e tipo aki na Reino Uni desde 2005.
E atacante a dal varios peaton ora cu el a crusa cu un vehiculo riba gran velocidad e brug di Westminster y despues a atravesa e portanan di e cercano Parlamento, puñalando un polis cu un arma blanco, prome di a wordo tira mata.
Autoridadnan a bisa cu nan ta traha cu e hipotesis cu e atake ta di indicio Islamista.
Britaniconan ta conmociona pa e hecho cu e agresor por a ataca e curason di e capital di e forma aki cu apenas un auto y un cuchiu.
“Polis y e organismonan cu nos ta apoya pa nos siguridad a impedi un gran cantidad di atake similar den e ultimo añanan, mas di un dozijn aña pasa,” minister di Defensa, Michael Fallon, a bisa.
“E tipo di atake aki, di un lobo solitario, uzando cosnan di bida diario, un auto, un cuchiu, ta mas dificil di impedi,” el a bisa BBC.
Polis ta kere di sa e identidad di e atacante, pero no a duna esaki.
“Nos ta tratando cu un enemigo, un enemigo terorista, cu no a haci peticion of tuma rehen, sino cu simplemente kier mata un mayor cantidad di persona posibel. Esaki ta un elemento nobo den terorismo internacional,” Fallon a bisa.
Rowley a bisa cu polis a identifica seis adres den London, Birmingham y otro parti di e pais dentro di e investigacion.
“Nos ta sigui pensa cu e atacante aki a actua su so, inspira pa terorismo internacional. Na em omentonan aki, nos no tin informacion specifico riba mas menasa pa ciudadania,” Rowley a bisa.
El a añadi cu entre e fayecidonan tabata tin varios nacionalidad, pero no a duna detaye. E victimanan tabata e polis, Keith Palmer, kende a wordo hinca y dos ciudadano, un muhe di mas of menos 45 aña y un homber di mas of menos un 55. E di cuarto fayecido tabata e agresor.
Fuente: Reuters