Shete efecto di tin un mama narcista

0
RBC Juli 2018
Funmiles-2018

Nos mayornan ta un figura di autoridad. Na mes momento nan ta actua como modelo y como prome contacto cu sociedad. Sin embargo, no tur ta e miho ehempel. Algun incluso por crea problemanan serio den nos bida.
E biaha aki nos lo papia ariba e consecuencianan di tin un mama narcista. Si bo tabata tin un mama cu e caracteristicanan aki, ta importante pa bo conoce e posibel efectonan y bo actua pa evita problemanan emocional.

Kico ta un mama narcista?
Prome cu papia riba e resultado di tin un mama narcista ta importante pa compronde kico e concepto aki ta implica. Prome cos cu nos mester tene na cuenta cu e persona narcista ta stima nan mes mas cu gran exceso.
P’esey, nan por rekeri demasiado atencion di parti di nan sernan keri y poco cos ta satisfactorio pa nan.

Aunke e nivel di exigencia por hiba e mama y su yiunan na obtene resultadonan excelente den su bida, e desgaste emocional lo ta mesun severo.

1. Yiunan di mama narcista tin e tendencia di lubida nan necesidad y nan deseo
Un persona narcista semper mester di atencion, e ta arogante y e ta gusta manipula otro hende paso nan ta sinti cu nan merece lo miho.

Treciendo esaki den e contexto familiar, un di e efectonan di tin un mama narcista ta cu su yiunan ta crece cu e necesidad di complace e mama.

Den e proceso aki, su yiunan no ta percibi nan mes como individuo cu tin nan mesun deseo y necesidad. Por lo regular, nan a bira un refleho di loke e mama kier y ta realisa tur e actividadnan cu ta wordo spera di nan.

Ora cu nan obtene nan logro y obhetivonan propone, nan mama ta recompensa nan y nan a siña busca e afecto aki constantemente. P’esey, ora cu nan crece, nan no tin consciencia di nan espacio y ta busca pa satisface otro prome cu nan mes.

2. Un autoestima abao
Otro efecto di tin un mama narcista ta cu e muchanan ta haya afecto solamente ora cu e mester algo di nan. E problema esaki ta asina demandante cu ta resulta dificil pa satisface tur expectativa.

Como resultado, e mama lo duna señal of mensahe na su yiu cu e no ta bon suficiente. Esaki tin como resultado muchanan cu semper ta sinti nan mes incompetente, falta di capacidad, ansioso y cu un autoestima abao.

3. Trabao pa stima e persona cu bo ta

E hecho di sinti cu nan no ta lo suficientemente bon ta haci cu e yiunan di mama narcista ta haya problema pa stima nan mes y acepta ken nan ta.
Ta normal cu nos ta haya cosnan cu nos no gusta y cu nos lo kier cambia. Sin embargo, un persona cu mayornan stabiel ta crece cu habilidadnan pa haya aspectonan positivo den nan mes.

 

Un di e efectonan di tin un mama narcista ta cu e yiunan di e muhenan asina lo tin problema pa haya algo cu nan ta sinti nan mes na gusto cun’e.

4. Bo ta sinti bo mes mas un compaña cu un yiu
Debi na e gran cantidad di atencion cu e tipo di mayornan aki ta demanda, e bida di e yiunan ta draai rond di nan, nan necesidad (di e mayornan) y nan (e mayornan) felicidad.
Pa e motibo aki, e muchanan ta bira un apoyo emocional y ta involucra nan mes den situacionnan unda cu nan no mester participa. E muchanan aki ta haya tanto responsabilidad di cu nan ta yiu y nan ta bira mas un compañero emocional.

Personanan cu tabata tin e tipo di mayornan aki ta sinti cu nan a pasa henter nan bida ta resolve problema.
Aunke esaki por ta positivo, ya cu mas sigur nan a siña resolve problema y ta autosuficiente, nan lo sinti un carga grandi y ta resulta dificil pa confia den otro hende.

5. Henter ora bo ta papia di bo mes den tono negativo
Tin un mama narcista ta traduci den mensahenan negativo constante. Debi na esaki, e yiunan a siña papia pa nan mes cu critica y palabranan dañino.

Ta trata di un efecto di spiel. Nan ta siña wak bida manera e mama tabata wak’e y door cu nan tabata ricibi mensahenan negativo, nan ta papia di nan mes na e mesun manera.
6. Bo ta siña sconde bo esencia berdadero
Otro efecto di tin un mama narcista ta cu e muchanan aki ta siña nenga parti di nan esencia pa mustra loke nan mama ta spera di nan. Cu tempo, e proceso di nenga of sconde nan mes ta bira algo comun.

Como adulto, ta posibel cu nan ta haya problema pa identifica nan mes, ken nan ta, cual ta nan deseonan real y kico nan ta spera realmente di bida y di otro hende.

7. Bo ta sabotia bo mes
Tin un mama narcista ta implica cu semper e mensahe ricibi ta cu nunca bo ta suficientemente bon. Esaki ta prepara e yiunan pa spera e pio parti di tur e situacion.
Ora cu nan crece, nan lo evita di compromete nan emocionnan, pa mantene nan mes lo mas safe posibel. Por ehempel, nan lo evita di namora pa no wordo bandona.


Kico pa haci si bo tin un mama narcista?
Un relacion di e tipo aki por causa dañonan sutil di forma fisico, pero cu gran impacto den bo bida.
Si bo ta biba cu un mama narcista, bo mester busca yudansa of conseho pa por deal cu e mensahenan siña y pa logra un bida mas satisfactorio.

Fuente: https://mejorconsalud.com

Comments

comments

C: Heineken
new india