CAMBRIDGE, Gran Bretania- Un compania farmaceutico lo wordo procesa penalmente na Gran Britania despues di cu varios baby a muri door di cuminda contamina, polis a informa diaranson.
ITH Pharma ta wordo acusa di shete cargo di suministra un producto medico deficiente y di a faya di a tuma pasonan pa evita cu pashentnan por bira malo, segun autoridadnan a informa.
E investigacion a cuminsa ora cu tres baby a muri y 20 otro mester a haya tratamento despues di a haya septicemia na 2014.
E babynan cu a muri a haya tratamento na St. Thomas’ Hospital na London y den e Rosie Maternity Hospital di Cambridge.
E compania a bisa den un comunicado cu “e ta decepciona pa e decision di procesa e compania y di lo defende su mes energicamente den corte”.
ITH Pharma a bisa di ta “compaña tur e famianan afecta den nan dolor, independientemente di e causa”. El a sigura cu e tin mecanismonan di control ambiental excelente y cu e ta cooperando di cerca cu e reguladonan pa garantisa e calidad y sanidad di su productonan”.
E caso lo tuma luga dia 17 di december den e tribunal di Westminster.