Shete aña a papia di sostenibilidad, awor a yega e momento pa pasonan concreto!

0
RBC Juli 2018
Funmiles-2018

DEN HAAG – ‘Durante e ultimo shete añanan a papia hopi riba un Aruba sostenibel. E momento di papia a caba y awor nos mester bai na pasonan concreto riba e tereno aki na Aruba.’ Esaki tabata e mensahe cla cu Minister Plenipotenciario Guillfred Besaril a bisa na Martin y John Seiffers di Accenda durante di un bishita di trabao di e mandatario na e compania aki. Sr. Besaril a wordo invita pa e ehecutivonan di Accenda pa bishita nan establicimento na e High Tech Center na Delft. Minister Besaril y e delegacion di Arubahuis – cu a consisti di Representante di Aruba na Union Europeo Eddy Paris, director a.i. di Arubahuis mr. Glenn Ling, coordinador di Onderwijszaken di Arubahuis James van der Linde y functionario di Economische Acquisitie di Arubahuis Roy Hart- a haya un guia na e werkplaats di Accenda, unda Martin Seiffers a duna un splicacion di e proyectonan di Accenda.

Despues den su oficina sr. Seiffers a tene un presentacion pa e delegacion di Arubahuis riba Accenda, nan vision y nan proyectonan. Accenda ta specialisa den comberti autonan regular den autonan electronico. Den esaki nan ta traba intenso cu alumnonan di diferente nivel di scol: MBO, HBO y WO.
Na final di e presentacion Martin Seiffers a papia riba nan con
tactonan y plannan cu nan tabata tin pa ehecuta na Aruba, pero cu esaki te ainda no a wordo concretisa. Ta na e momento aki cu Minister Besaril a bisa cu pa shete aña a papia hopi riba un Aruba sostenibel, pero cu nada concreto a wordo haci cu tur e conocemento cu a keda acumula atrabes di e Green Conferencenan teni na Aruba. ‘Aparte di un parke di molina cu a keda entrega na 2009 y un Solar Park cu a ta un initiativa particular di AAA NV, tiki a wordo realisa riba e tereno di sostenibelidad,’ asina e mantario a bisa.
Durante di e presentacion Martin Seiffers a acentua cu innovacion y enseñansa ta bai man den man. Pesey ta importante pa envolvi scolnan den proyectonan cu ta regarda innovacion. Den e caso di Aruba, lo mester mira den direccion di EPI y Universidad di Aruba. Minister Besaril a apoya e manera di pensa aki y a bisa cu tambe ta importante pa concretisa proyectonan manera esunnan di Accenda, mester papia cu tur partnernan envolvi desde un principio y asina e proyecto por cana den bon direccion.
Finalmente Minister Plenipotenciario Guillfred Besaril a gradici Martin y John Seiffers pa nan atencion, pa e informacion brinda y pa nan pasion pa logra proyectonan innovativo na Aruba.

Nota pa redacion: Potretnan ta cortesia di Cas di Aruba

Comments

comments

C: Heineken
new india