Den pasado a sinta na mesa cu minister pa haya solucion pa EPI. Sheila Tromp-Lazo, presidente di SIMAR a splica cu poco a ser haci. Simar a haci propuesta na minister y e minister a bin bek cu el a ofrece taakuren na docente. A bis’e tambe cu en principio ora cu pone un docente haci trabao, bo no ta pone un manager na trabao, bo ta reconoce toch cu e trabao merece un di tres persona. No ta compronde dicon e minister no ta bin cu e di tres manager, ciendo cu tin un unit cu tin tres manager caba. Ta pone cierto taakuren pa un persona. Esey ta nifica tambe cu e managernan tambe tin cu bay draai extra oranan pa e persona aki. Ora cu hinca e persona aki den taakuren, ta sak’e for di veld pa e haci e trabao eynan. Ken ta e persona cu ta bay haci su funcion den veld. Tur eseynan ta cosnan cu e managernan a pidi.
Agregando algun punto, Tromp-Lazo a splica cu e e managernan kier un di tres manager. Si e di tres manager aki bin, nan ta dispuesto pa traha, nan sa cu esaki kiermen cu e ta encera ora cu nan tin cu bay werk in e di tres persona. Nan no tin problema cu esaki, nan kier cuminsa ora cu tin un di tres manager pa sigui carga e unidad, segun Tromp-Lazo.
E parti di e structura di EPI, a puntra Tromp, pa splica kico a pasa cu e desaroyonan cu no a yuda pa e scol bay dilanti.
Ora cu nan a cuminsa diseña e scol, a bin cu un structura. El a encera cu tabata tin un algemeen directie y tabata tin pa cada unidad, tres manager. Despues cu aña, esaki a cambia, caminda cu el a bin un solo director, pero el a keda cu tres managernan pa cada unit. E añanan ta sigui bin y ta sigui desaroya. Diripiente EPI a haya atrobe tres persona den directie y tabata tin algun unitmanager cu personanan a bay cu pensioen y no a vul aan esaki.
E ora ta bisa cu e organograam di EPI a cuminsa tambe cu e mester por consisti di tanto docente, di tanto alumno. Cada unidad mester haci esaki su taakomschrijving di cada persona. Tur esaki ainda ta onduidelijk. Ta bin cu un cambio riba e scol, pero no ta informa e personanan cu ta den e scol, kico e cambio ta precisamente, kico bo kier logra cu e scol, pero mientras tanto, ta laga e personanan aki gewoon keda draai den incertidumbre. Nan no sa si nan ta manager reconoci, nan no sa si eigenlijk nan ta leidinggevende, cual minister a reconoce cu nan ta asina awo. Nan tin hopi mas alumno cu normal ta e proceso ora el a cuminsa. Awor aki tin tres persona den directie. Nan kier sa precies con nan funcion ta y con nan ta bay eherce esaki. Tur esakinan ta e cosnan cu no ta duidelijk pa e personanan. Ora e scol a cuminsa, nan a cuminsa cu un taak omschrijving, pa e unit managernan. Na caminda nan a cambia esaki. Biniendo cu e functiehuis ta bin otro taakomschrijving, E personanan aki ta trahando sin sa precies kico ta nan tarea. Nan a traha hopi aña den e funcion ey, sin haya gratificacion, sin haya toelage y esey ta loke tabata buscando, segun presidente di Simar.