E reto grandi pa tur docente ta e educacion di nos hobennan cu tin hopi problemanan social cu ta algo serio. Esaki sigur mester bay dune su atencion segun Sheila Tromp, presidente di SIMAR.
E reto, si papia di enseñansa mes, pero no como SIMAR, e reto ta en principio ta deal cu muchanan cu tin awendia, klasnan grandi, muchanan hopi problema, muchanan cu falta di structura. Tin biaha hopi biaha di backup di mayornan na scol. Ora tin algo na scol cu un juffrouw ta purba na fabor di e mucha, tin biaha mayor ta bin contra scol. Esaki ta un di e retonan mas grandi cu tin, apart di e otronan pa traha cu poco material, materialnan no adecua ainda, den un sistema moderno pero cu ainda cu ta hopi pega riba buki. Si wak cuanto un scol ta gasta na buki, e ora ta bisa cu e muchanan ta asina avansa riba tecnologia, cu mester bay educa nos muchanan pa siglo 21. Ainda nos ta pega den buki. Ainda nos ta pega den un sistema bieu. Hopi scol tin gana di haci hopi mas cos pa e muchanan, pero ta mara cu permiso, ley. Ta un tiki fastioso pasobra tin biaha ora kier yuda un mucha hopi mas, e procedura ta hopi largo. Esey ta haci cu tin biaha ta frustra como scol. E parti di vandalismo tambe tin hopi scol ta anda cun’e ainda. Tin diferente reto, pero sigur sigur awendia ta e muchanan cu tin cu hopi problemanan social/emocional cu tin cu deal cun’e. Bo ta docente, pero den klas mester ta un psicologo, bo mester ta zuster, polis, dokter, mama, un tata, esey ta haci e trabao hopi mas dushi, pero hopi mas challenging.
Nada cu ta wordo inverti den enseñansa tin cu wak’e como un fabor of regalo. E ta deber di cada mandatario, cada representante di enseñansa en general, percura pa enseñansa na bo pais ta top. Segun Tromp, ta papia hopi cu tin biaha ta inverti den enseñansa y e ta den salario di e maestronan. E team ta grandi den veld. Ta hopi placa ta bay, pero na salario, cual ta loke ta logico. Falta hopi ainda inversionnan den scol, pone scolnan up to date. Tin di compronde cu tin un proyecto na caminda. Ta spera cu esaki por wordo ehecuta pa asina e scolnan di Aruba, no solamente segun e directiva, pero e scolnan den su totalidad, ta full op en top pa por duna enseñansa di calidad tambe.
E placa cu ta wordo poni, no ta suficiente. Si wak bon mester tin formacion di e maestronan tambe y esey no ta pasando hopi. Tin awor aki si cu e metodo nobo, cu tin un parti cu e maestronan ta bayendo workshop, pa nan ta miho prepara, cual ta algo logico. Si wak atrobe cu tur cos ta buki, tin cu cumpra nan na Hulanda. E euro ta costa dobel. Dus ta hopi placa ta bay den e parti cu tin cu busca material pa scol y tin biaha no ta keda placa extra pa haci otro proyecto den scol mes. Si wak diferente directiva tin e problema di schoolgeld. Algun ta cobra of no ta cobra, of e montante no ta mesun cos. Esey tambe ta un problema, pasobra parti di e sey ta placa di e muchanan. Si mira e montante cu tin, e leerlingengeld, e montante cu ta dedica pa cada mucha, ta un suma cu ta di hopi aña atras y practicamente un mucha, e placa cu ta haya ta un buki of un buki y mey por cover cu esey y falta hopi mas material. Falta tur loke cu ta draai den scol. Loke ta wordo inverti den enseñansa, no ta suficiente.