Pakico diferente departamento tin un rol importante den e proyecto di Censo, pasobra e ta na bienestar di pais Aruba pa traha hunto y wak cu si un hende no ta mantene su mes na e reglanan cu mester por actua, pasobra esaki tin consecuencianan pa tur ciudadano na Aruba. Si un persona no ta biba na Aruba y no ta schrijf uit pa motibonan entre otro cu ora no schrijf uit ta sigui bouw op AOV/AWW y tambe si no schrijf uit ta biba por ehempel na Colombia of Republica Dominicana, bo ta bin e ora ey pa bo haci uzo di AZV y esey no ta e manera corecto, segun Luydens. Pesey mes tin fondonan social tremendo, pero si nos mal uza esakinan, e tin consecuencia negativo pa nos tur cu ta ciudadano.
A puntra Luydens si no tin un otro forma pa wak si e persona ta biba na Aruba.
Tin hurisprudencia riba dje. Ta papia e ora di berdad ta wak cu un hende su feitelijke woonplaats, caminda cu normalmente e ta drumi, e ta biba, e tin su cas cu e ta biba aden. No ta pasobra un hende ta cumpra un cas akinan, kiermen e ta biba realmente na Aruba. No tin un periodo fiho mara den ley na esaki. Pero na un hende su handeling ta wak cu e no ta biba na Aruba. Por ehempel. Un hende ta bin akinan, e ta keda un siman, bay 3 luna, djey e ta bin bek dos dia Aruba, djey bay un luna afo. Ta wak cu e persona aki no ta bira na Aruba.
Ta facil pa bisa cu por wak si e sistemanan ta acopla na otro, cual ta un otro proyecto cu yama Data distributie cu ta bezig cun’e cu a wordo subsidia pa un otro instancia. Ta asina cu ta bay tin un koppeling cu Radex. Esey ta nifica cu si un ciudadano sali mas cu un aña for di Aruba, Censo ta ricibi e mensahe. Ley ta prescribi tambe cu si bo tin mas cu un aña for di Aruba, por schrijf uit e persona inmediatamente, Luydens a splica.