Mundo di enfermeria tin su retonan constante y esaki no ta un excepcion na Aruba. Nos di Masnoticia.com a combersa cu Sra. Shalien Tromp, presidente di ODEA ariba e esaki, con e mundo di enfermeria ta evolucionando.
Sra. Tromp a cuminsa na bisa cu e mundo di enfermeria tin su retonan constante. E siman di enfermeria a bay bon, unda cu tur e diferente institutonan a haci nan mesun actividad cu nan personal. E intencion ta pa tin un toke di atencion, pafo di e rutina di trabou.
Colegio EPI tabata tin un dia di Dagverpleging, unda cu a para keto na e educacion. E retonan ta grandi, tin hopi studiante. Y ta un satisfaccion ora cu wak un sala yen, yen cu nurse y enfermeronan di mañan. Pero si e ta yena e tekort cu tin, esey no sa.
Studiantenan ta jong, nan kier sigui studia. Nan ta bay y despues bin bek. Pero kier yena e parti di enfermeria, esunnan cu ta stop y esunnan cu ta bin bek.
RETONAN
E temporada aki, internacionalmente y tambe localmente, loke ta hala atencion ta e siguridad di e enfermeronan. E hendenan ta bira un tiki mas agresivo. Na Aruba e no a bay asina leu di agredi, no fisicamente pero si verbalmente. Dos siman pasa un enfermero na Merca a fayece, door cu el a intermedia den un pleito den EHBO. Esey ta tristo pa mira, net dos siman prome cu e Siman di Enfermeria.
E profesion merece respet. Cada un ta sali for di nan cas, pa haci e trabou lo miho posibel. Educacion ta hunga un rol con ta trata cu tur e hendenan. TIn cu keda educa e pueblo.
RETO MEDICO
Traha na hospital, e hospital nobo, e tension cu esaki ta trece pa e enfermeronan, ODEA como organisacion, nan ta atende ora cu e miembro atende na ODEA y ODEA ta atende individualmente. Hopi biaha nan ta bay na nan mesun instituto. No ta existi un enfermero cu no por traha cu presion. Sra. Tromp ta contento cu tin 20 enfermero cu ta bin yuda, pero nan lo a keda mas contento si e 20 nan aki tabata local. Pero mester atende cu e gap cu ta existi y e continuidad di cuido ta primordial.