BARRANQUILLA, Colombia- Shakira diahuebs anochi a engrandece e inauguracion di e di XXIII Juegos Centroamericanos y del Caribe, cu’n vibrante presentaicon den e stadion Metropolitano Roberto Melendez, caminda cu el a reaffirma, cu su canticanan, su amor pa su ciudad natal Barranquilla.
El a tarda diesdos aña pa un reencuentro cu su hendenan, pero e tardansa tabata bale la pena. Cu su movimento di su hipnan el a cera ‘por todo lo alto’ un anochi inolvidabel pa e Barranquilleronan y e ciento di deportistanan cu desde diahuebs ta hospedando den e capital Atlantico pa participa den e Weganan Centroamericano y del Caribe.
Cu “Me enamore” el a cende su presentacion mientras cu e pantayanan gigantesco tabata evoca cu, riba un mojito, el a entrega su curason. Bisti cu’n shimis di tononan cora, e Colombiano tabata move cu soltura riba e scenario den e prome parti di un presentacion, cortico pero sustancioso.
Despues di a interpreta e exito di su album El Dorado, cu a pone cientos di asistentenan subi e stage blanco y grandi cu tabata cubri e yerba di e stadion pa alberga tur e artistanan di e inauguracion di e weganan, a sigui cu’n deroche di charisma cu a wordo ricibi cu emocion pa miles di persona den e publico.
Cu su saludo “¡Buenas noches, Barranquilla!” y “¡Quiero verte bailar, Curramba!”pa manda e prome señal di su publico, e mesun cu entre e extasis y nostalgia a ricibi e tres canticanan cu Shakira a canta, sabiendo cu El Dorado World Tour lo yega Colombia na november, cu’n unico concierto na Bogota.
E conexion casi metafisico cu a pone e fanaticonan biba cun’e, pa e problema di su garganta cu a pone su carera na peliger, a brota magicamente riba ritmo di “Hips Don’t Lie”, ya cu e cantica aki aki e Barranquilleronan a sinti Shakira un tiki mas di nan y a vibra cu’n presentacion impecabel cu el a realisa pa expone lo miho di su baile cu e hipnan cu pone “La Arenosa” bin bek.
E cantica “baila en la calle de noche, baila en la calle de día” tabata e climax di e concierto pa duna paso na e memorable “en Barranquilla se baila así”, canta rond mundo, pero nunca a zona asina bunita manera e anochi di e inauguracion di e Weganan Centroamericano y del Caribe, cu riba ritmo di e tambornan a pone e artista di 41 aña baila.
E cumbia a bin pa cera e di dos cantica y duna entrada na e Shakira mas terenal, cu a recupera su accent costeño pa bisa su hendenan di costa cu su vinculo ta eterno. “Mi ta content di ta na cas bek. No tin nada mas miho cu canta na cas. Mi ta orguyoso di cu e ta sede di e evento aki y di mi hendenan”, el a expresa.
El a interpreta e prome parti di “La Bicicleta” a capella, mientras cu riba e pantayanan e Colombiano Carlos Vives tabata compaña Shakira, pa haci e duo di manera virtual.
Asina tameb, entre e ritmonan tropical di e cantica aki cu a permiti e union entre dos artista, e yiu di Barranquilla a despedi cu’n shelo ilumina y e gritonan di un public contento cu e regreso di Shakira bek na cas.
El momento esperado por todos: ¡Mira en Barranquilla se baila así! ♥️🥁🎶
Nuestra querida @shakira moviendo sus caderas en la inauguración de #Barranquilla2018. Así la registraron las cámaras de @CanalTelecaribe.#JuegosCentroamericanos#CentroamericanosXTelecaribe pic.twitter.com/lFxbtGK6ul— Carnaval de Barranquilla (@Carnaval_SA) July 20, 2018