Algun aña pasa por a tuma nota con Setar a haci un deal cu un compania di Noticia pa nan encarga cu e canal 49 di Setar bira un canal informativo. Tanto show a keda haci e temporada ey, a bin cu programanan informativo pa e pueblo pero na caminda tur cos a cay na awa.
Pero despues cu e contract a termina entre Setar cu e compania di Noticia a bolbe firma contract maske cu e television tabata puro na video clip.
Pero Setar mes tabata cla pa tuma e television over pero manera tur hende sa e Gobernacion anterior ta manera cu ta Minister ta pone presion y of menasa directornan pa cumpli cu deseo di minister y asina a pone cu bestuur di Setar a hayanan obliga ta laga e compania cu e canal pero nada informativo ta tumando luga mas.
Ta lamenta con e canal 49 aki a bay atras y no ta nada informativo manera cu Setar a promete cu e canal ki lo bay ta. Awor ta un canal di television cu puro video clip, musica di radio emisora y asta e blunder e aña aki algo a bay robes cu merdia puro imagenan sexual a bay live pa un rato basta largo.
Awor cu Setar nv a duna tur radio emisora un audio link na e canalnan riba cable, porta Setar por tuma Canal 49 bek over y haci esaki un canal informativo, cu noticia tips y mas pa e comunidad y no puro video clip cu emisora ta toca.