Memey di e crisis cu Coronavirus a trece cun’e hopi ta e companianan cu mester a bira creativo pa sigui brinda nan servicio optimalmente. Tambe mester cuminsa corta gasto unda cu por di manera inmediato, pasobra e problema financiero cu nos ta aden aworaki ta exigi esaki.
Den e siman aki por a tuma nota cu nos compania nacional di Telecomunicacion, Setar NV, a tuma e iniciativa pa reparti e buki di telefon 2020 na cas uzando su propio empleadonan y transporte, esaki lo keda reparti pa e 60 plussersnan.
Ciudadanonan a keda hopi contento di mira e servicio y solidarismo cu e empleadonan di Setar NV ta mustrando den e temponan dificil cu nos ta experienciando.